-18 °С
Ҡар
75 лет Победы
Бөтә яңылыҡтар
Яңы "Һәнәк"!
14 Сентябрь , 13:00

Һаумы, мәктәп

Башҡортостан буйынса барлығы 509 мең уҡыусы, шул иҫәптән 54 меңдән ашыу 1 синыф уҡыусыһы 1 сентябрҙә мәктәпкә йүнәлде. Республика буйынса 1295 мәктәп үҙ ишектәрен асты, дөрөҫөрәге, 11-дә ремонт эштәре һаман тамамланмаған. Республика Хөкүмәте премьер-министры Андрей Назаров Кушнаренко, Мәсетле, Краснокама, Ауырғазы һәм Балаҡатай райондарында подрядсыларҙың һүлпән ҡуҙғалыуын ҡаты тәнҡитләне. Ысынлап та, был райондарҙа балаларҙы уҡытып тормай йәнә каникулға ебәрергә йыйыналармы әллә?  

Һаумы, мәктәп
Һаумы, мәктәп

Һөйләшәләр

– Һыйыр, аяҡҡа баҫтың бит, күҙең сыҡҡанмы ни!
– Маймыл шул тиклем, ҡылансыҡ булырһың икән!
– Кәзә, ниңә кеше кейемендә соҡсонаһың?
– Үгеҙ, шул тиклем күҙеңде таҫырайт­маһаң!
– Айыу, кеше туҡмарға тиһәң, һине ҡуш!
– Сусҡа, бысранып бөткәнһең дә баһа!
– Быҙау һымаҡ торма әле, асыуҙы килтереп!
Был һөйләшеү зоопаркта ла, фермала ла түгел, мәктәп коридорында бара. Беҙҙең синыф уҡыусылары тәнәфескә сыҡҡан бит!

Инша яҙҙым ултырып

*Маршал Жуков ҡыйыу кеше булған. Ул һәр ваҡыт һалдаттарҙың ғүмерен ҡурҡыныс аҫтына ҡуйырға әҙер торған.
*Онегин Байронды яратҡан, шуға уны стенаһына аҫып ҡуйған.
*Наташа нимәлер әйтергә теләгәйне, ҡапыл асылып киткән ишек уның ауыҙын япты.
*Герасим дүртәү өсөн ашап, яңғыҙы эшләгән.
*Кактус бесәйгә барып төштө һәм ауыртыныуҙан ҡысҡырып ебәрҙе.
*Беҙ ағайым менән ҡулға-ҡул тотоношоп, төрлө яҡҡа атланыҡ.

Мәктәпсә һүҙлек

*Көндәлек – ялыуҙар һәм тәҡдимдәр кенәгәһе
*Контроль эш – йөҙ һум аҡсаң булғансы йөҙ дуҫың булһын.
*Һуңғы парта – ял йорто
*Каникулдар – яратам һине, тормош.

Унан, бынан, тегенән

*Химик элементтар таблицаһы башта Лермонтовтың төшөнә ингән, тик ул бер нәмә лә аңламаған.
*Туп директор кабинетына табан оса ғына ине әле, ә балалар йәшенмәк уйнай ҙа башланы.
*Баш ауыртмай, әммә ныҡ мешать итә.
*Аҡ аттағы принцты күреү хыялына ярлы студент менән осрашыу аяҡ салды.
*Беҙҙең халыҡты аңламаҫһың: ил етәкселәре шул тиклем күп нәмә вәғәҙә итә, ә уға һаман етмәй.
*Урманға балтаһыҙ, балыҡҡа ҡармаҡһыҙ, ата-әсәләр йыйылышына аҡсаһыҙ барма.
*“Йәйҙе нисек үткәрҙем” темаһына яҙылған иншаларҙы тикшереп бөткәс, уҡытыусыбыҙ туристик компанияға кәңәшсе булып урынлашты.

Һынамыштар

Кисен “Бәйләнештә” йәки “Тик-ток”та оҙаҡ йылмайып ултырһаң, иртәгәһенә дәрестә аңшайып ултыраһың.
Директорҙы тиҙ генә күрәйем, тиһәң, мәктәп коридоры буйлап йән-фарман йүгереү ҙә етә.

Морат ӘМИНБАЕВ.

Автор:"ҺӘНӘК" журналы
Читайте нас в