Ауыл мәҙәктәре

үҙе үк шоферҙан һораған:
– Вам куда?
Шофер көлгән дә:
– А вам куда? – тигән.
Апай “Стәрлебаш” тип ултырып киткән инде.

Ат йоҡлаған

Рәмил исемле мал ҡараусы эшкә төшкә генә килеп торғас, ферма мөдире асыулана:
– Ниңә иртән килмәнең?
Мал ҡараусы аптырап тормаған:
– Ат йоҡланы, типкеләп тә торғоҙа алманым, - тигән.

Донъя күрһен, тип...

Ауыл советында эшләгән саҡ, водитель булып эшләгән Әмир исемле егеткә килдем. Ир лапаҫ аҫтында мал ҡарай, ә ҡатыны өҫтә ҡар көрәп бесән ҡутара.
– Ниңә лапаҫ башына ҡатыныңды мендерҙең? – тием.
– Бейектән аҙыраҡ донъя күрһен, тип, – тимәһенме...

Прости, тётка

Бер ауыл ағайы ашханаға инеп тәрилкә менән аш алған да, өҫтәлдәр араһынан үтеп барғанда, ашын бер мәрйәнең өҫтөнә сайпылтҡан. Мәрйә ике ир менән ашап ултыра икән. Ағай белер-белмәҫ руссаһы менән ғәфү үтенгән:
– Прасти, тьетька...
Теге ике ир һикереп тороп быға ябырылған. Йәнәһе, ул был ҡатынды... уйнаш ҡатын тип атай.
Ағай ахырҙа ижекләп әйткән:
– Прасти, пожалуйста, тетенька.

Куриный мужик

Күрше ауылда Әхийәр исемле ағай бар ине. Шуның тауыҡтары юлға сығып тибенеп йөрөгәндә, елдереп килгән такси әтәсен тапай ҙа китә икән. Ағай кире килгәндә таксины туҡтата:
– Почему таптал куриный мужик?
Шофер әтәскә 15 тәңкә түләп китә.

Фәүҡәт ҠОТЛОШИН.