+30 °С
Болотло
Яңы "Һәнәк"!
29 Ғинуар 2025, 04:20
Эйе шул
Сәлих ВАҺАПОВ Сәғиттең малға тигән ҡатнаш аҙыҡты һатып эсеп йөрөүен ишеткәс, ҡыҙара-бүртеп, асыуы эсенә һыймай шартлай яҙып фермаға килеп инде. Һарай эсендә күңелләнеп алған Сәғит ҡаршы алды.– Малдың ауыҙынан өҙөп-йолҡоп ҡатнаш аҙыҡ һатып эсеп йөрөйһөң икән, сусҡа!
Эйе шул
– Эйе шул.
– Бында бөтмәҫ-төкәнмәҫ колхоз байлығы бар, тип уйлайһыңмы?
– Эйе шул.
– Етте. Артыңа типмәй булмаҫ, мәлғүн.
– Эйе шул.
– Туҡта-туҡта, үҙ хатаңды танып, төҙәлергә уйлайһың түгелме?
– Эйе шул.
Асыуы баҫыла төштө Ғәләүетдиндең.
– Һатып эсеп йөрөгәнсе, балаларыңа берәй әйбер алһаңсы?!
– Эйе шул.
– Башың да ауыртып торалыр әле?
– Эйе шул.
– Хатаңды таныу ҙа – үҙе бер егетлек.
– Эйе шул.
– Шуға премия бирмәй булмаҫ – ике тоҡ ҡатнаш аҙыҡ.
– Эйе шул.
– Хи-хи-хи… Былай, үҙең шәп кеше икәнһең, Сәғит ағай.
– Эйе шул.
Асыуы бөтөп, кәүҙәһе бәләкәйләнеп ҡалған Ғәләүетдин, Сәғитте эйәртеп, ҡатнаш аҙыҡ келәтенә ҡарай атланы.
Сәлих ВАҺАПОВ.
