+9 °С
Облачно
Яңы "Һәнәк"!
16 Апреля , 10:15
Ишетмәһәң - ишет!
ЛОКОТЧЕНКО ТЕРҺӘГЕН ТЕШЛӘГӘНме?Яҙ етеп, ер ҡорой башлау менән картуф ултыртабыҙ, йәшелсә-емеш сәсәбеҙ. Быйылғы яҙ үҙенсәлекле килә. Картуфты ғына түгел, урлашҡан, ришүәт алған, коррупцияла ғәйепләнгән чиновниктарҙы ла күпләп ултырталар. Бынау Локотченко ни эшләп яңылышты икән? Башҡортостан Республикаһы Дәүләт Йыйылышы – Ҡоролтай депутаты, төҙөлөш, сауҙа итеү һәм юридик фирмалар етәксеһе, 10 миллион һум ришүәт алыуҙа ғәйепләнеп, Өфө ҡалаһы Совет районы суды тарафынан 10 йылға иркенән мәхрүм ителде. Күптәр ғүмер буйы менә алмаған бейеклектәргә артылып өлгөргән 29 йәшлек иргә нәмә етмәгәндер? Депутат кешенең льготалары ғына иҫ киткес күп бит, мейес башынан төшмәгән бесәйҙән рәхәтерәк йәшәй. Закондарҙы үҙҙәре сығара шул. Тап шуға күрә аҡсаны «көрәп алған» халыҡ вәкилдәре транспортта бушлай йөрөй, ә мәктәпкә уҡырға йөрөгән балалар – түләй. Бына хәҙер Алексей Локотченко терһәген бик тешләр ине лә, буйы етмәй шул.
Ишетмәһәң - ишет!
ШАРАНДА – ЮЛДАР ХАЙРАН!
Рәсәй Тәфтиш комитетының Башҡортостан Республикаһы буйынса идаралығы, Шаран районында юлдарҙың үткеһеҙ булыуына бәйле, енәйәт эше ҡуҙғатты. Баҡһаң, ведомство етәксеһе Александр Бастрыкинға насар юлдарға зарланып хаттар килә икән. “Һәнәк” ҙур серҙе аса: бындай хәл Шаранда ғына күҙәтелмәй. Ниңәлер, ҡар менән бергә күп ҡалаларҙа, райондарҙа юлдар ҙа “юҡҡа сыҡты”. Дөрөҫөн әйткәндә, соҡор-саҡырҙарҙан, батҡыл урындарҙан йөрөп ялҡҡан бар халыҡ Бастрыкинға хаттар яҙһа, уның ведомствоһына тиҫтәләрсә йылдарға етерлек эш булыр ине, буғай.
Кәкре БӨКРИЕВ.
Новости партнеров
