БЕР ҠАТЛЫЛАРҒА ҺАБАҠ БӘХЕТ ХАҠЫ НИСӘ ҺУМ?

Һорауға ғәжәпләнмәгеҙ, беҙҙең ваҡсыл һәм иҫәпсел заманда барыһын да аҡса аша барларға һәм иҫәпләргә тура килә. Сөнки ҡайһы бер осраҡта бәхетле булыу өсөн мул ғына аҡса түләүҙән башҡа бер сара ла юҡ. Бына һуңғы көндәрҙә күптәрҙе шаҡ ҡатырған миҫал. Бәләбәй ҡалаһынан хәлле һәм йомарт ҡатын “Бөйөк Британиялағы Дания морягы” менән таныша һәм мөкиббән ғашиҡ була. Моряк ниндәй һүҙҙәр тапҡандыр, ҡатындың күңелендә ниндәй ҡылдарҙы сирткәндер. Ҡыҫҡа ғына ваҡыт эсендә улар бер-береһенә тамам эҫенеп өлгөрә. Эш осрашыуға һәм туйға бара.

Әмәлгә ҡалғандай “Дания морягы” туйҙы ашыҡтыра, хатта бының өсөн үҙе йөҙгән карапты ярға яҡынайтыуға өлгәшә. Әлбиттә, беҙҙең яҡташыбыҙ һәм уның аҡсаһы иҫәбенә.

Сит ил морягының саф рус телендә аралашыуы яҡташ ханымды аҙ ғына ла шикләндермәй. Киреһенсә, нығыраҡ яҡынайта. Шул арала ҡатын бәхеткә ирешеү өсөн үҙенең бар мөмкинлектәрен файҙалана һәм ҡыҫҡа ғына ваҡытта морякка 1 миллион 250 мең һум аҡсаһын күсереп өлгөрә. Ошондай йомартлыҡтан һуң моряк юҡҡа сыға һәм уның телефоны яуап бирмәй. Ә эске эштәр органдары ҡатындың ғаризаһына ярашлы, тәфтиш эше асып ебәрә һәм енәйәтсене эҙләй башлай. Был осраҡта мут кейәүҙе табыу мөмкин булмаған эш тип баһалай хоҡуҡ һаҡлау белгестәре.

Эйе, һәр кемдең бәхеткә хоҡуғы бар. Бының өсөн хатта аҡса ла йәл түгел. Ләкин алданғанда ла сит-ят кешегә ышаныуҙың да сиге булырға тейештер.

Р. ҠАРАБАЕВ.

Автор:Ралиф Кинзябаев

Читайте нас:

© 1925-2025 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60