ИМТИХАН

Дауамы. Башы:https://henek.info/articles/zhurnal-a-inm-g-nd-r-n-/2025-08-06/bul-an-bashymdan-tk-n-tarih-4339968 Рамай ҠАҺИР (Булған, башымдан үткән тарих). Беҙҙе,  урта  белемле,   имтихан  тапшырырға  килгән   иллегә   яҡын  егетте,   ҙур  спортзалға  урынлаштырҙылар.  Бер  рәткә  генә  тимер  карауаттар  теҙгәндәр,  түшәк- кәрәк  яраҡтары,  тумбочкалар,  хатта  сәй  ҡайнатып  эсер  өсөн,  ике  электросәйнүге  ҡуйғандар.   Урынлашып,  үҙ-ара  танышып,  сәй  эсеп  алдыҡ.  Төрлө  райондан  килгән,  ябай  ғына  ауыл  малайҙары.  Иртәгә  математика  фәненән  тәүге  имтихан  тапшырасаҡбыҙ.  Кисен  йоҡларға  әҙерләндек. Коридорҙа  вахтер  булып  ултырыусы  ҡарт:   –  Урамға  берегеҙҙе лә  сығармайым,  йоҡлағыҙ.  Ана,  ишек  аша  бәҙрәф,  душ  бар  тип  иҫкәртте.  Матур  хыялдарға  сумып,  йоҡларға  йыйынғайным, кемдер  тышҡы  яҡтан,  ҙур  тәҙрәләрҙең   быялаһын  туҡылдатты.   Етмәһә: – Эй,  пацандар,  тиҙ  генә  тәҙрә  өлгөһөн  асығыҙ! – тип  бойороҡ  бирә.  -  Ҡарағыҙ әле,  кемдәр  йөрөй  унда? – тип эстәгеләрҙән  кемдер  һорап  ҡуйҙы.  Тәҙрә  эргәһендәрәк  урынлашҡандар:  –  Унда  йылғасы  формаһын  кейгән,  өс  курсант  тора, –   тигәс,  минең  күршем,  Благовар районынан  килгән,  Азамат  исемле  егет:  “ Тәҙрәне  асмағыҙ,  бер аҙ торорҙар ҙа  китерҙәр”, –  тине.  Ләкин  теге  өсәү  ныҡыш  булып  сыҡты.

ИМТИХАН