-9 °С
Ҡар
Бөтә яңылыҡтар
Иҫтәлекле көндәр
25 Ноябрь 2025, 10:58
Луиза Кирәева тыуған көнөн билдәләй
Филология фәндәре кандидаты, ғалимә, шағирә Ауырғазы районы Мораҙым ауылында тыуған. Әле Луиза Риф ҡыҙы «Ағиҙел» журналында эшләй, “Һәнәк” журналының дуҫы ла. Яҙыусыны ул яҙырға Бик тырышып өйрәтә. Өйрәтә лә, түҙә алмай Үҙе яҙып күрһәтә.
Луиза Кирәева тыуған көнөн билдәләй
Луиза Риф ҡыҙының әҙәби тәнҡит мәҡәләләре тәрән анализға, сағыштырма-тарихи күҙәтеүгә ҡоролоуы менән һоҡландыра.Буш ваҡытында милли аш-һыу әҙерләргә, бәйләргә ярата, матур-матур гөлдәр үҫтерә. Тормош иптәше менән ике ул тәрбиәләйҙәр. Ҡәләмдәшебеҙгә ижади уңыштар, яңы үрҙәр, алҡыштар, балҡыштар теләйбеҙ.
“Һәнәк”тәр.
Һарыбай
Кешеһенә ҡарап ҡул биргәндәр
Сәйерһенһә, ҡарап ҡулыма.
Теңкәләргә тейһә яһалмалыҡ...
...Күңелгенәм, түҙ һин, һулыма.
Йыуынмаған донъяларға ҡарап,
Битлектәрҙән биҙгән саҡтарҙа.
Ҡапыл ғына һине һағынамын -
Ҡалдың бит һуң әллә ҡайҙарҙа?..
Алыш-биреш, иҫәп-хисап та юҡ.
Һинең өсөн юҡ та... Ярлы... Бай...
Саф ҡарашың иҫтәремә төшә –
Бир тәпәйең, ихлас Һарыбай!
Луиза Кирәева.
Новости партнеров