Уның шәхси тормош юлын, атаһының Бөйөк Ватан һуғышында һәләк булғанлығын белгәс, был йыр тик һеҙҙең өсөн генә тәржемә ителгән, тип әйттем. “Эйе, – тине ул бошонҡо ғына, – минең атайым һуғыштан ҡайтманы бит”.
Ағай йырҙы алып ҡайтып китте. Мин таң ҡалдым, ағай йырҙы йылдан артыҡ әҙерләне. Ара-тирә тормош иптәше Гөлшат апайҙан һорашам. “Өйрәнә, өйрәнә... Иртән тора ла “Торналар”ҙы көйләй”, – тип тынысландырҙы апай.
Аҙаҡ бер концертта йырҙың премьераһы булды, шундай шәп клип төшөрөлдө, радионан, телевидениенан иң йыш яңғыраған йырҙарҙың береһенә әйләнде.
Үҙе китте, моңо ҡалды. Шуныһына иғтибар иттем, “Торналар” русса ла, башҡортса ла ифрат моңло яңғырай. Быныһы авторҙың, тәржемәсенең һәм йырсының оҫталығынан торалыр инде.