Иң ҡеүәтле ил таралып, Рәсәйҙә байлыҡ бүлешкән арала фәҡирҙәр ишәйҙе, ә кисәге дуҫтар аяуһыҙ дошманға әүерелеп, беҙҙе кәмһетә,үҙҙәрен фашизмдан азат итеүсе ҡорбандарҙың һәйкәлдәрен емерә, туғандар ҡәберлектәрен мәсхәрәләй башланы. Мостай Кәрим был хаҡта, Европа ҡартайҙы, хәтере насарланды,үҙен кем азат итеүен онотто,тип киҫәткәйне. Европа ҡартайып ҡына ҡалманы , ҡомһоҙ һәм игелекһеҙ йыртҡысҡа әйләнде. Юғиһә, беҙҙең газ менән йылыныуҙарын,беҙ етештергән яғыулыҡ ярҙамында автомобилдәрен йөрөтөүҙәрен , ә беҙгә төрлө санкциялар иғлан итеүҙәрен нисек аңлатырға. Бындай ике йөҙлө сәйәсәткә аҡлау юҡ.
Рәлиф КИНЙӘБАЕВ