-2 °С
Болотло
Бөтә яңылыҡтар
Төрлөһөнән
26 Март 2023, 14:00

Банан ҡабығын ташламағыҙ!

Эйе, банан ҡабығын ташламағыҙ, уны гөлдәргә, үҫентеләргә ашлама итеп ҡулланырға була. Сөнки ул калийға бай, шулай уҡ, кальций, магний, фосфор, натрий, тимер, марганец, азот та бар. Ул  үҫемлектәрҙең иммунитетын нығыта, фотосинтезын яҡшырта, үҫтерә.

Банан ҡабығын ташламағыҙ!
Банан ҡабығын ташламағыҙ!

Банан ҡабығынан төнәтмә яһап та һибәләр, әммә ул насар еҫ сығара, өй шарттарында күп кешегә оҡшап та бөтмәҫкә мөмкин. Шуға киптереп, онтағын һибеү отошлораҡ. Ваҡ итеп турап, батарея өҫтөндә йә иһә духовкала киптереп, төйөргә була. Гөл төбөнә бер сәй ҡалағы онтаҡты һалырға, тупраҡ менән күмдереп, өҫтөнә һыу һибергә мөмкин.

Банан ҡабығы менән гөлдәрҙең япраҡтарын да һөртөргә була. Фикус, монстера, хлорофитум кеүек эре япраҡлы гөлдәрҙең япраҡтарын һөртөү уңайлы.

 

Фото: kakpravilino.com

Автор:Дилара Арсаева
Читайте нас: