Ауыл урамы буйлап киләм. Урам буйы буп-буш. Боролоштан ғына егеүле ат килә ята.
Бер аҙҙан арттан тауыштар ишетелә башланы:
-Рулде бир, тим! Бир рулде!
- Юҡ! Хәҙер минең сират.!
- Рулгә ултырырға бәләкәйһең әле! Башың йәш.
“Велосипед йөрөткән малайҙар ҙа күренмәй ине, әллә берәйһенең ишек алдынан ишетеләме икән? Машина руле өсөн талашаларҙыр, ахырыһы”– тип уйлап, тирә-яғыма ҡарандым. Велосипедлы малайҙар ҙа, машиналы ирҙәр ҙә күренмәне. Тик, егеүле атта ҡыҙмаса булып алған ике ир дилбегә өсөн тартышалар ине.