Мәскәүҙән килгән абруйлы белгестәр Салауат Юлаев һәйкәленең торошон ентекләп тикшерә, уны ремонтлау эштәренең күләмен баһалай. 1967 йылда ҡуйылған һәйкәлгә етди реконструкция талап ителеүе бер кемгә лә сер түгел. Тик уны урынында уҡ атҡарырҙармы, әллә урынынан алырға тура килерме - быныһы әлеге тикшереү-проект эштәре тамамланғас ҡына билдәле буласаҡ. Ауырлығы 40 тонна тарҡан һәйкәлдең нигеҙен дә нығытырға кәрәк булыуы ихтимал, ти белгестәр.