Көләмәстәр

- Доктор, ирем һаташа, төндә һөйләшеп бер була, нишләргә, кәңәш бирегеҙ!

- Көндөҙ һөйләшергә рөхсәт итеп ҡарағыҙ!

- Беҙҙең ауыл егеттәре шул тиклем берҙәм - күрше ауылдыҡылар һуғышырға килһә, берҙәм генә юҡ булалар!

Балконда ике күрше һөйләшә.

- Әйт әле, - бер ҡатҡа аҫтараҡ торғаны. – Түбәндән тәнҡит юғарынан тәнҡиттән айырыламы?

- Миңә төкөрөп ҡара, шунан аңларһың!

Батып барыусыны күреп, яр буйында ултырған балыҡсы һыуға һикерә һәм уны ҡотҡара.

- Рәхмәт! Мәңге бурыслымын һеҙгә! – ти ир кеше, бер аҙ хәл йыйғас.

- Ҡуй әле, - тип ҡул һелтәй ҡотҡарыусы. – Шуныһын әйтегеҙ лутсы: һыуҙа балыҡ күренәме-юҡмы?