-13 °С
Болотло
Бөтә яңылыҡтар
Ғәләмәт бит
3 Июнь 2025, 11:40
Йылдар буйы йыйған аҡсаны күсергән...
Өфөлә студент ҡыҙ сейфтан йәшерен рәүештә ата-әсәһенең 3 миллион һумдан артыҡ аҡсаһын аферистарға күсергән. Ғаилә ул аҡсаны бер нисә йыл дауамында бөртөкләп йыйған булған. Мутлашыусылар ҡорбаны булған ҡыҙ һөйләүенсә, 25 майҙа уға мессенджер аша шалтыратыуҙар килә башлаған. Енәйәтселәр үҙҙәрен университет, Росфинмониторинг һәм хатта Рәсәй ФСБ хеҙмәткәрҙәре тип таныштыра. Һылтауҙар төрлө була: тестарҙа ҡатнашыуҙан һәм «дәүләт хеҙмәттәрен» емереүҙән алып енәйәт эше ҡуҙғатыуға тиклем барып етә.
Йылдар буйы йыйған аҡсаны күсергән...
Баҫымға бирелеп, зыян күреүсе ғаилә сейфын аса, унда ата-әсәһенең йылдар буйы тупланған аҡсаһы һаҡлаған була, уларҙы ала һәм енәйәтселәр өйрәтеүе буйынса, төрлө банкоматтар аша күрһәтелгән счеттарға 3 миллион һумдан артыҡ аҡса күсерә. Бер аҙҙҙан мөлкәттең юғалыуын ҡыҙҙың атай-әсәһе асыҡлай. Ҡыҙыҡай уларҙы дәүләт органдары хеҙмәткәрҙәре тарафынан тәҡдим ителгән кешеләр күрһәтмәһе буйынса күсереүен таный. Яҡындарының мошенниктар ҡулына эләккәнен аңлап, ғаилә кисекмәҫтән полицияға мөрәжәғәт итә.
Фото: https://news.mail.ru/
Новости партнеров