+14 °С
Облачно
Иҫтәлекле көндәр
16 Апреля , 12:20
Бөтә донъя буйынса 600-ҙән ашыу майҙансыҡта диктант яҙасаҡбыҙ
«Башҡорт теленән диктант-2026» халыҡ-ара мәғариф акцияһы үҙенең географияһын киңәйтеүен дауам итә. Быйыл акцияға 615 офлайн-майҙансыҡ ҡушылды, ә ҡатнашыусылар өсөн дөйөм урындар һаны 31 400-ҙән ашып китте. Акция 2026 йылдың 17 апрелендә онлайн һәм офлайн форматтарҙа үтәсәк. Теләгән һәр кем, йәшенә, белем кимәленә һәм йәшәү урынына ҡарамаҫтан, ҡатнаша ала.
Бөтә донъя буйынса 600-ҙән ашыу майҙансыҡта диктант яҙасаҡбыҙ
Майҙансыҡтарҙың төп өлөшө – 613-ө Рәсәйҙә урынлашҡан, шул уҡ ваҡытта акция халыҡ-ара кимәлгә лә сыға: диктантты Румынияла һәм Үзбәкстанда ла яҙасаҡтар.
Төбәктәр араһында Башҡортостан Республикаһы алдынғы урында – барлығы 558 майҙансыҡ эшләйәсәк.
Шулай уҡ әүҙем ҡатнашалар:
- Силәбе өлкәһе – 21 майҙансыҡ
- Ырымбур өлкәһе – 7 майҙансыҡ
- Ҡурған өлкәһе – 2 майҙансыҡ
- Свердловск өлкәһе – 2 майҙансыҡ
- һәм Рәсәйҙең башҡа төбәктәре
Иҫегеҙгә төшөрәбеҙ, диктант өс кимәлдә үткәрелә:
- башҡорт телен башланғыс кимәлдә белеүселәр – 418 майҙансыҡ
- башҡорт телендә иркен аралашыусылар – 163 майҙансыҡ
- башҡорт теленең төньяҡ-көнбайыш диалектында яҙыусылар – 34 майҙансыҡ
Башҡортостандың баш ҡалаһында диктант ғәҙәттәгесә ҡаланың ҙур мәғариф һәм мәҙәни майҙансыҡтарында үтәсәк, улар араһында:
- Башҡорт дәүләт педагогия университеты,
- Өфө фән һәм технологиялар университеты
- "Торахан" тарихи-мәҙәни комплексы
- Башҡортостан Республикаһының мәғарифты үҫтереү институты
Офлайн-форматта ҡатнашыу өсөн уңайлы майҙансыҡ һайларға һәм акцияның рәсми сайтында теркәлергә кәрәк. Майҙансыҡтарҙың тулы исемлеге, шулай уҡ диктант үткәреү урындары тураһында көнүҙәк мәғлүмәт рәсми сайтта урынлаштырылған : https://bashdictant.ru/
https://bashgazet.ru/articles/bash-ort-donya-y/2026-04-16/b-t-don-ya-buyynsa-600-n-ashyu-may-ansy-ta-diktant-ya-asa-by-4654181
