Дүрттән артыҡты ашама!

Яңы йыл байрамы шыршының ылыҫлы еҫе менән генә иҫтә ҡалмай, ғәҙәттә был байрам мандариндарға ла бай. Әлбиттә уның файҙалы яҡтары күп, тик һәр дарыуҙың нормаһы булғандай уны самаһын белеп ашарға кәрәк.

Сағыу төҫлө емеш минералдарға һәм С, РР, Е, К, В1, В3, В6, А витаминдарына бай икәнен күптәр белә. Лютеин күҙ селтәренең алмаштырғыһыҙ компоненты булһа, зеаксантин төҫтәрҙе ҡабул итеү процесында ҡатнаша. Көнөнә бер-ике мандарин ашаһаң, күҙ нервыһы эшмәкәрлеге яҡшыра. Әммә уны күпләп ашамағанда ғына күҙ өсөн файҙаһы бар.

Ашҡаҙан-эсәк тракты өсөн файҙаһы булһын өсөн уны ашағандан һуң бер-икене ашау ҙа етә. Аппетит түбән булғанда 50 миллилитр мандарин һуты эсергә ҡушалар. Төрлө инфекция ауырыуынан көнөнә өс тапҡыр 0,5 стакан мандарин һуты эсергә мөмкин. Һалҡын тейҙереп ауырығанда берәр стакан эсһәң дә ярай.

Емеш составындағы аскорбин, лимон кислотаһы, цинк һәм фосфор простата биҙе эшмәкәрлеген, күрем циклын көйләргә ярҙам итә. Көнөнә ике мандарин ашағанда енси органдар тирәһендә ҡан әйләнеше яҡшыра.

Зыянына килгәндә, төп ғиллә – күп ашарға ярамай. Был осраҡта файҙаһынан зыяны күберәк булыуы ихтимал. Мәҫәлән, аскорбин һәм лимон кислотаһы артыҡ булғанда, аллергия тыуҙыра, бигерәк тә ул балалар өсөн көслө аллерген булып тора. Шулай уҡ ашҡаҙан-эсәктәрҙең лайлалы ҡатламын елһетеүе мөмкин. Ашҡаҙан һәм бөйәндең сей яраһы менән ауырыусыларға бөтөнләй ҡулланыу тыйыла. Кемдәрҙең бөйөрөндә таш бар, уларға ла цитрус емештәрҙән баш тартырға кәрәк. Таштың ҡуҙғалыуы ихтимал, был осраҡта бик ныҡ ауыртыу барлыҡҡа килә, уны оператив юл менән генә дауалап була.

Диабетиктарға ла мандариндың файҙаһынан зыяны күберәк, сөнки составында улар өсөн зыянлы глюкоза һәм башҡа углеводтар бар.

Шулай итеп һәр ризыҡ ҡайһы бер кешегә яшы тәьҫир итһә, икенсе кешенең сәләмәтлегенә кире йоғонто биреүе мөмкин. Иң мөһиме магазинда мандариндарҙы һатып алыр алдынан ентекле тикшереп сығығыҙ, ә өйгә алып ҡайтҡас таҙа итеп йыуып, әҙерләп өҫтәлгә ҡуйығыҙ. Тағы ла бер ҡыҙығы бар, табиптар нисек һанап сығарғандыр, уныһы ҡараңғы. Әммә аҡ халатлылар кешегә көнөнә дүрт мандариндан артыҡ ашарға ҡушмай, норманы арттырһаң һаулыҡҡа кире йоғонто биреүе мөмкин. Ә һеҙ көнөнә биш мандарин ашап ҡарағанығыҙ бармы?

Фото: skolko-stoit.ru

Автор:

Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60