– Мин риза. Әйҙәгеҙ.
Фельдшер машинаһын ҡабыҙып, ауылдың икенсе осона, төнгө ҡунаҡ йәшәгән йортҡа килеп туҡтайҙар. Машинанан сыҡҡас, теге кеше аҡсаһын һуҙа. Фельдшер:
– Түләү һуңынан. Ҡайҙа сирле?
– Сирле юҡ. Мин төндә яңғыҙым ҡайтырға ҡурҡҡайным, рәхмәт инде.
);)
– Һеҙ нисек таныштығыҙ?
– Интернет ярҙамында.
– Танышыу сайты ашамы ни?
– Юҡ, бер көндө интернетты һүндергәйнеләр, театрға барырға тура килде.
***
Йыйылыш бара. Начальник:
– Кем дә кем был айҙың планын тейешлесә үтәй, шуға минән бер ҡап шоколад.
– Беҙгә эш хаҡы бирһәгеҙ һәйбәтерәк булыр ине.
– Эй-й-й, алданыраҡ өлгөрмәнегеҙ, мин шоколадтар алып бөттөм инде...
***
Почтальон бер йортҡа телеграмма алып килә. Ҡапҡаға ҙур хәрефтәр менән ”Һаҡ булығыҙ, тутыйғош!” тип яҙылған. Почтальон: “Эт булһа, бер хәл, тутыйғош тешләмәҫ әле!” – тип уйлап, ҡурҡмайынса ҡыйыу аҙымдар менән инеп китә. Тупһаға менәйем тип аяғын күтәргәс, теге тутыйғош көслө тауышы менән ҡысҡырып ебәрә: “Рекс, фас!”
***
Ике ҡорҙаш осраша.
– Фәһим, мин ҡатыным менән айырылышырға булдым.
– Нишләп? Бик татыу ғына йәшәп ята инегеҙ.
– Һөйөклөм ике ай инде минең менән һөйләшмәй.
– У-у-у, һин иҫәр! Ундай ҡатын менән йәшәргә лә йәшәргә кәрәк бит!
***
Ҡурсаҡтарын йыйнап, бер төйөнсөккә урап торған ҡыҙын атаһы шәйләп ҡала.
– Ҡайҙа киттең, ҡыҙым?
– Әсәйем көн дә әрләшә, арыным инде. Үҙемдең кәбеҫтәмә ҡайтып китәм!
З. ХӘСӘНОВА.