Луиза сәлдергән, Марат отторған. Беҙ түләйекме? Ҡаҙанда туҙҙырылған аҡса өсөн кем яуаплы?

Кисә Луизаның миллиондарына бәйле бер аҙ асыҡлыҡ барлыҡҡа килде. Дөрөҫ булһа, Марат Фәнәүи улы был аҡсаларҙы имен-аман оттороп бөткән. Фәнәүиевич был хаҡта мәғлүмәт сараларына үҙе белдергән. Бының өсөн күпме түләгәндәрҙер, өндәшмәй. Һәр хәлдә, дәртләнеп һөйләүенә ҡарағанда, кәйефе улай уҡ насар түгел. Мәскәүгә йыйына, күпме аҡса вәғәҙә иткәндәр – ләм-мим. Үҙегеҙ уйлап ҡарағыҙ, быға тиклем бер кем белмәгән Марат Фәнәүиевичты Мәскәүҙән (!!) телевизор аша күрһәтәсәктәр, хатта бының өсөн түләйәсәктәр. Үткән постарҙың береһендә Хәйруллиндарҙың бик үтемле тауарға әйләнеп китеүе хаҡында әйткәйнек. Хәҙер улар шуның емештәрен йыя.