Владимир Путинды һорауҙар менән генә ҡурҡытып булмай. Украинанан килгән әрһеҙ журналист үҙе көлкөгә ҡалды.

Украин журналисы Роман Цимбалюк һәр матбуғат конференцияһында ҡатнаша һәм Рәсәй Президентын уңайһыҙ хәлгә ҡуйырға тырыша. Был юлы ла шулай булды. Хәбәрсенең Кубань ерендәге танктар хаҡында иҫкә төшөрөүе булды, Президент, ниндәй танктар, 64-семе, әллә 34-ме, тип залды көлдөрҙө һәм Цимбалюк юғалып ҡалды. Хәбәрсе: “64”, – тине көс-хәл менән. Президент был юлы ла юғалып ҡалманы, был бит совет танкыһы, тип яуап бирҙе. Ысынлап та, Харьков ҡалаһында Т-64-тәр етештерелгән, ләкин һуңғы ун йылда завод ҡапҡаларынан бер генә танк сыҡҡан.