Аналитиктар Рәсәй Президентының егерме йыллығын барлай. Бөгөнгө Европаны Рәсәйҙән башҡа күҙ алдына килтереү мөмкин түгел.

“Блумберг” агентлығының аналитиктары Рәсәй Президенты Владимир Путиндың егерме йыллыҡ эшмәкәрлегенә йомғаҡ яһай. Уларҙың фекеренсә, хәҙерге Рәсәй СССР тарҡалғандан һуң юғалтылған йоғонтоноң байтағын кире ҡайтарыуға өлгәшкән. Мәҫәлән, Ҡытай менән бәйләнештәр нығынған, Сүриәләге хәлдәрҙе үҙ файҙаһына борған, Ҡырымды кире ҡайтарған, Төркиәгә заманса ҡорал һатып, НАТО-ны ауыр хәлгә ҡуйған, хатта Норманд форматындағы ултырышты ла үҙ фекерен үткәреүгә өлгәшкән. Рәсәй АҠШ-тан күпкә ҡайтыш бюджет менән үҙенең сәйәси йоғонтоһон күпкә арттырған. Бөгөнгө Рәсәй Яҡын Көнсығышты үҙ контролендә тота, Африка менән бәйләнештәрҙе нығыта.