Хөкүмәт ултырышында милли проекттарҙы үтәү мәсьәләһе ҡаралды.

Башҡортостан Республикаһы Хөкүмәтенең киңәйтелгән ултырышында 2019 йылда милли проекттарҙа планлаштырылған эштәрҙе тормошҡа ашарыу мәсьәләләре ҡаралды. Ултырышта Хөкүмәт премьер-министрының беренсе урынбаҫары Андрей Назаров ҡатнашты һәм сығыш яһаны. Вице-премьер билдәләүенсә, республика тарихында был тиклем социаль объекттарҙың төҙөлөүе һәм сафҡа индерелеүе беренсе тапҡыр теркәлгән. Милли проекттарҙа планлаштырылған эштәр һәм объекттар графикка ярашлы төҙөлә. Былтыр 21 мәктәп, 22 балалар баҡсаһы, 2 балалар поликлиникаһы, ауылдарҙа 33 фельдшер-акушерлыҡ пункты, 5 ауыл мәҙәниәт һарайы төҙөлгән. Ҡала һәм район үҙәктәрендә 185 парк, сквер, баҡса һәм ял урындары төҙөкләндерелгән. Юлдар төҙөлөшөндә байтаҡ эштәр башҡарылған.

Милли проекттарҙы тормошҡа ашырыу буйынса кураторҙар һәм тармаҡ ведомстволары етәкселәре төҙөлгән объекттар тураһында ентекләп һөйләне, кәмселектәрҙе барланы һәм киләсәктә хәл итеү юлдарын билдәләне.