“Битлектәр тураһында минән күп һорайҙар, – тине Радий Хәбиров. – Битлек менән йөрөү шул килеш ҡала. Шул уҡ ваҡытта, битлектән баш тартҡандар ҙа урамда күберәк. Һаҡланыу сараларынан баш тартыуҙы беҙ әлегә иртәрәк, тип иҫәпләйбеҙ. Унан баш тартҡан өсөн штраф түләтеү ҙә мәсьәләне хәл итмәй. Шулай ҙа транспортта, сауҙа нөктәләрендә, дәүләт учреждениеларында, күп функциялы үҙәктәрҙә битлектәр мотлаҡ ҡалырға тейеш. Транспорт айырыуса иғтибар талап итә. Юғиһә, бында сир йоҡтороусылар һанын арттырыуыбыҙ ихтимал”.