МӨХӘББӘТЛЕ ҠАЛАЛАР ИСЕМЛЕГЕНДӘ ӨФӨ ЛӘ БАР.

Ҡатын-ҡыҙ мөхәббәте өсөн иң анһат ҡалалар исемлегендә хәҙер Өфө лә урын тота. Шаян һәм мут кешеләр был рейтингта мөхәббәт өсөн аҡса талап иткәндәрҙе түгел, ә әҙәпле ҡатындарҙы иҫәпкә алғандар. Ябай ғына итеп әйткәндә, ошо йәһәттән түләү, алыш-биреш, аҡса йүнәтеү мәсьәләһе мөһим түгел. Рәсәйҙең Иванов ҡалаһы – беренсе урында. Быға ғәжәпләнергә ярамай, элекке СССР-ҙың кәләштәр ҡалаһы, тормош нисек кенә үҫмәһен, һелкетмәһен, үҙенең элекке традицияларына тоғро. Икенсе урында – Күктүбә. Картанан Коктебель тип эҙләгеҙ. Унда хәҙер эҫе, бөтәһе лә диңгеҙ ярында һәм арлы-бирле булһа ла кейенгән кешеләр юҡ, тип әйтерлек. Өсөнсө урында – Пенза. Пензюктар быға нисек өлгәшкән, ғөмүмән, аңлашылмай. Артабан – Севастополь һәм Ялта, Сочи. Барыһы ла аңлашыла. Тәүге унау иҫәбендә – Питер һәм Мәскәү, ә Өфө – егерменсе урында. Һеҙҙе, әлбиттә, Ҡаҙандың мөмкинлектәре ҡыҙыҡһындыралыр. Күршеләр рейтингта күренмәй. Ғәмәлдә беҙҙән әллә ни алыҫ түгелдәрҙер.