+1 °С
Болотло
Бөтә яңылыҡтар
Яңылыҡтар
14 Август 2020, 12:13
СӘЛӘМӘТ ЙӘШӘҮ РӘҮЕШЕН ҺАЙЛАРҒА КӘРӘК.
Юғарыла башланған теманы дауам итәбеҙ һәм мәсьәләгә “Һәнәк” күҙлегенән баһа биреп ҡарайыҡ. Мәсьәләнең айышына төшөнөр өсөн туҙып бөткән бер көләмәс. Йәш кенә сырайлы бер ир эшкә урынлашып йөрөй.– Һеҙгә нисә йәш? – тип һорайҙар тегенән.– 70 йәш, – тип әйтә икән тегеһе, күҙен дә йоммай. Эшкә ҡабул итеүсе:– Йәш күренеүегеҙҙең сере нимәлә? – тип ҡыҙыҡһына.
Юғарыла башланған теманы дауам итәбеҙ һәм мәсьәләгә “Һәнәк” күҙлегенән баһа биреп ҡарайыҡ. Мәсьәләнең айышына төшөнөр өсөн туҙып бөткән бер көләмәс. Йәш кенә сырайлы бер ир эшкә урынлашып йөрөй.
– Һеҙгә нисә йәш? – тип һорайҙар тегенән.
– 70 йәш, – тип әйтә икән тегеһе, күҙен дә йоммай.
Эшкә ҡабул итеүсе:
– Йәш күренеүегеҙҙең сере нимәлә? – тип ҡыҙыҡһына.
– Сәләмәт йәшәү рәүешенә өҫтөнлөк биреүемдә, – ти. – Миңә 20 йыл буйы бер ваҡытта тороп, бер ваҡытта ятырға, көн һайын ваҡытында ашарға тура килде, – тигән был кеше ғорурланып.
Эшкә алыусы:
– Ә нимә өсөн ултырғайнығыҙ һуң? – тип һорарға мәжбүр булған.
Әйткәндәй, ошо уҡ кеше булдымы икән, анкетаһына: “Өс тапҡыр өйләндем, өс ҡатыным да үлде”, – тип яҙған. Һорайҙар икән:
– Тәүге ҡатынығыҙ ни эшләп үлде?
– Ағыулы бәшмәк ашап үлде, – тигән теге бәндә.
– Ә икенсе ҡатынығыҙ ни өсөн үлде?
– Ағыулы бәшмәк ашап үлде, – тигән теге.
– Өсөнсөһө лә ағыулы бәшмәк ашанымы? – тип һорағандар.
– Юҡ, мейеһе һелкенеп үлде, – тигән.
– Нимә булды? Әллә йығылдымы? – тип һорағандар.
– Юҡ, йығылманы. Ағыулы бәшмәк ашарға теләмәгәйне.
Әйткәндәй, ямғырҙарҙан һуң бәшмәктәрҙең ҡотороп үҫкән сағы. Халыҡ кәрзиндәрен-тоҡтарын күтәреп, ялан-ҡырҙарға, урмандарға ашыға. Үкенескә ҡаршы, ағыуланып үлеүселәр хаҡында хәбәрҙәр килә башланы. Ҡариҙел районында атаһы 6 йәшлек ҡыҙын бәшмәк менән һыйлаған. Ҡыҙыҡай, ас булдымы икән, күберәк ашаған. Атаһы менән апаһын ҡотҡарғандар, ә ҡыҙыҡай вафат булған. Етмәһә, сабыйҙың әсәһе лә былтыр ғына үлгән икән.
Һаҡ булығыҙ! Ағыулы бәшмәктәрҙе айырмаһағыҙ, яланға сығып та йөрөмәгеҙ! Шикле урындарҙан һатып алмағыҙ! Үҙегеҙҙе һәм яҡындарығыҙҙы һаҡлағыҙ!
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60