РАДИЙ ХӘБИРОВ «ЮҒАРЫ ӘҘЕРЛЕК» РЕЖИМЫ ТУРАҺЫНДАҒЫ УКАЗҒА ҮҘГӘРЕШТӘР ИНДЕРҘЕ

Башҡортостан Башлығы Радий Хабиров «Юғары әҙерлек» режимы тураһындағы указына сираттағы үҙгәрештәрҙе индерҙе. Яңыртылған документта республика биләмәһендә 50-нән күберәк кеше ҡатнаша торған эш, мәҙәни, күңел асыу, спорт сараларын үткәрмәҫкә йә кисектерергә ҡушыла.

Башҡортостан Башлығы Радий Хабиров «Юғары әҙерлек» режимы тураһындағы указына сираттағы үҙгәрештәрҙе индерҙе. Яңыртылған документта республика биләмәһендә 50-нән күберәк кеше ҡатнаша торған эш, мәҙәни, күңел асыу, спорт сараларын үткәрмәҫкә йә кисектерергә ҡушыла.

65 йәштән өлкәнерәктәргә, ауырлы ҡатындарға, хроник сирлеләргә айырымланыу режимын һаҡларға тәҡдим ителә, аҙыҡ-түлек, дарыу алырға, элемтә салондарына, баҡсаға, зыяратҡа барырға мөмкин. Башҡортостанға сит дәүләттәрҙә самолет менән, шул иҫәптән транзит буйынса башҡа төбәктәрҙән килеүселәргә ковид барлығы-юҡлығына ПЦР ысулы менән тикшереү һөҙөмтәһе алынғанға тиклем айырымланыу мотлаҡ.

Мәктәптәрҙә каникул 19 октябрҙә башланып, 4 ноябрҙә тамамланасаҡ.

Кинотеатрҙар, театр-концерт ойошмалары, мәҙәниәт усаҡтары тамаша залы 30 процентҡа тиклем тулған осраҡта ғына эшләй ала. Рәсәй Спорт министрлығының календарь планына ингән спорт ярыштары санитар-эпидемиологик ҡағиҙәләрҙең ҡәтғи үтәлеүе шарттарында һәм тамашасыларһыҙ үткәрелә.

Эш биреүселәргә хеҙмәткәрҙәре араһындағы 65 йәштән өлкәндәрҙе, ауырлы ҡатындарҙы, хроник сирлеләрҙе дистанциялы эшләүгә күсерергә, предприятиеларҙа һәм ойошмаларҙа эш урындарында коронавирус таралыуын иҫкәртеү буйынса Роспотребнадзор тәҡдимдәрен үтәргә ҡушыла.

«Башавтотранс» предприятиеһы һәм шәхси пассажир ташыусылар хәрәкәт графигын пассажирҙар социаль дистанцияны күҙәтә алырлыҡ итеп ойошторорға тейеш. Дөйөм туҡланыу ойошмаларына 23:00 сәғәткә ябылырға, корпоратив сараларҙы, туйҙар, юбилейҙар, мәрхүмдәргә бағышланған табындарҙы үткәреүҙән тыйылырға, бейеү майҙансыҡтарын эшләтмәй торорға тура киләсәк.

Дәүләт һәм муниципаль власть органдарындағы ултырыштарҙы башлыса видеоконференция рәүешендә үткәрергә тәҡдим ителә.

Башҡортостан Хөкүмәтенә Стәрлетамаҡтағы яңы йоғошло ауырыуҙар дауаханаһын 2020 йылдың 15 декабренә өлгөртөргә ҡушыла.

Указға ярашлы үҙ өйөңдән башҡа бөтә ерҙә маска кейергә, магазин, банк һәм МФЦ-ла бирсәткә лә кейергә, бөтә урында (таксиҙан башҡа) 1,5 м социаль дистанция һаҡларға фарман бирелә.

Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60