-6 °С
Болотло
Бөтә яңылыҡтар
Яңылыҡтар
12 Ноябрь 2020, 12:40
ҠОШ-ҠОРТҠА ҠАЗА ЯНАЙ
Рәсәйҙең ҡайһы бер төбәктәрендә ҡош киҙеүе (птичий грипп) көсәйә башлаған. Башҡортостандың күршеләренән Силәбе өлкәһендә һәм Татарстанда бер нисә сир усағы бар. Береһе ике республика сигендә, Баҡалы районынан биш кенә километрҙа теркәлгән. Шуға хәл бик хәүефле булып тора. Был хаҡта «Башинформ» яҙа һәм Башҡортостан Ветеринария идаралығының бүлек начальнигы Руслан Байкиев ярҙамында ауырыуға ҡағылышлы һорауҙар буйынса аңлатма бирә.
Нимәһе менән хәүефле?
Башҡортостан территорияһында ҡош киҙеүе осрағы табылһа, төбәк тотошлайы менән именһеҙ тип табыла, карантин шарттары урынлаштырыла. Республиканан ҡошсолоҡ продукцияһын (тере ҡошто ғына түгел, һуйылғанын да, йомортҡаһын да) сығарыу тыйыла. Тимәк, республикалағы Благовар тоҡомсолоҡ заводы, «Индюшкин», «Башкирский бройлер» предприятиелары ҙур зыян кисерәсәк, сөнкм улар продукцияһын Рәсәй төбәктәренә лә, сит илдәргә лә һата.
Нисек һаҡланырға?
Ауыл халҡына ҡош-ҡортон бикләп аҫрарға кәрәк. Йылға-күлдәргә сығармаҫҡа, ҡырағай ҡоштар тирәһенә ебәрмәҫкә, ҡош аҙығын тикшерелмәгән осраҡлы урындарҙан һәм кешеләрҙән алмаҫҡа, һимертелгән өйрәк-ҡаҙҙарҙы тиҙерәк һуя һалырға кәңәш ителә.
Ҡош-ҡортоғоҙҙа шикле билдәләр күренһә, ветеринария хеҙмәтенә 8 800 775 58 28 номеры буйынса түләүһеҙ шылтыратып, белгестәрҙән консультация алырға була.
Лаборатория тикшереүе менән ҡош киҙеүе диагнозы раҫланһа, ауырыу ҡош табылған ауылда бөтә ҡош-ҡорт махсус инъекция ярҙамында юҡ ителәсәк һәм яндырыласаҡ, һарай-ҡаралтылар дезинфекцияланасаҡ, биләмәлә карантин иғлан ителәсәк.
Вакцина бармы?
Ҡош киҙеүенән вакцина бар, әммә һуңғы йылдарҙа республикала был ауырыу булғаны юҡ, шуға территория имен тип баһалана. Республикала ҡоштарға ҡош киҙеүенән вакцина һалына башлаһа, төбәк ҡош киҙеүе буйынса ғына түгел, вакцина ҡулланыу буйынса ла имен булмағандар разрядына күсәсәк. Тимәк, ҡошсолоҡ предприятиеларының продукцияһына ла имен түгел мөһөрө баҫыласаҡ.
Ҡош киҙеүе кешегә зарарлымы?
Был гриптың ҡайһы бер штамдары, мәҫәлән, H1N1, кешене ауырыта ала. Ғәҙәттә ҡоштан кешегә күсә, кешенән кешегә йоғоу осраҡтары бик һирәк. Еңел үткәрелә торған респиратор ауырыу булып тора. Тән температураһы күтәрелә, йүткертә. Айырым осраҡтарҙа пневмония һәм сепсисҡа күсеүе ихтимал.
Баҙарҙа ауырыу ҡош ите һатылыуы мөмкинме?
Баҙар, магазин кәштәләренә ҡуйылған бөтә ҡош ите ветеринария белгестәре тикшереүен үтә. Ауырыу ҡош итенә юлыҡмаҫ өсөн итте ҡулдан алмаҫҡа тәҡдим ителә.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60