ИЖАДИ ЭШМӘКӘРҘӘР БЕЛЕМ АРТТЫРА

Дүртөйлө районы «Мәҙәниәт» милли проектының «Ижад кешеләре» төбәк проектында ҡатнашыуын дауам итә. Был проект мәҙәниәт учреждениелары өсөн кадрҙар әҙерләү менән мәшғүл.

Быйыл йыл буйы Дүртөйлө районынан һигеҙ белгес илдең алдынғы юғары уҡыу йорттарының квалификацияны күтәреү курстарында белемдәрен камиллаштырып ҡайтты. Балалар сәнғәт мәктәбе уҡытыусылары, мәҙәниәт йорттары хеҙмәткәрҙәре, китапханасылар Гнесиндар исемендәге Рәсәй музыка академияһында, Санкт-Петербург һәм Кемерово дәүләт мәҙәниәт институттарында белемен арттырҙы.

Дистанциялы уҡыу ысулы уларға пандемия осоронда компетенцияларын күтәрергә шарттар тыуҙырҙы.