БАШҠОРТОСТАНДА РЕСТОРАНДАР, ТӨНГӨ КЛУБТАР АСЫЛА, СТУДЕНТТАР УҠЫРҒА БАРА

Башҡортостандың Тажзәхмәт менән көрәш штабы ултырышында йүгәндәрҙе ныҡ ҡына бушатырға булғандар. 29 ғинуарҙан төнгө клубтар, ресторандар, барҙар эшләй башлай, туйҙар, тантаналар үткәреү рөхсәт ителә. Ә университеттар һәм институттар студенттарҙы ишектәрен шар асып көтөп тора – йәғни улар офлайн уҡыуға сығалар.

Башҡортостан Башлығының ковидҡа ҡаршы сикләүҙәр тураһындағы указына тамаша һәм кино залдарының тулылығы нормалары буйынса ла үҙгәрештәр индерелгән. Хәҙер кинозалдарҙы – 75 процентҡа, урам концерттары майҙансыҡтарын 85 процентҡа тиклем тултырырға рөхсәт.

Әммә 65 йәштән өлкәндәргә өйҙә ултырыу, кеше араһына сыҡһалар, маска кейеп йөрөү режимы һаҡлана әле.