БАҠАЛЫЛАР ЙӘЙГӘ ӘҘЕРЛӘНӘ

2019 йылда «Торлаҡ һәм ҡала мөхите» милли проекты сиктәрендә, «Уңайлы ҡала мөхитен булдырыу» федераль программаһы ярҙамында Баҡалы ауылының Үҙәк майҙаны төҙөкләндерелгәйне. Ә йәй еткәс был майҙанда һәм башҡа урындарҙа, скверҙарҙа, урам буйҙарында, Баҡалыға ингәндәге стела эргәһендә меңдәрсә сәскә күҙ яуын алып ултырасаҡ.

Коммуналь хужалыҡ хеҙмәткәрҙәре район үҙәген матурлауға ҙур өлөш индерә.

Хакимиәт бинаһы алдындағы майҙанда сәскәләрҙән Рәсәй һәм Башҡортостан флагтары һүрәте төшөрөләсәк. Бының өсөн аҡ, ҡыҙыл, зәңгәр һәм йәшел петуниялар файҙаланыла. «Коммунхоз» муниципаль унитар предприятиеһының баш сәскәсеһе Наталья Гаврикова әйтеүенсә, флаглы клумбаларға ғына ла 2 мең төп сәскә кәрәк була. Ә бөтәһе район үҙәге өсөн 12 мең төп сәскә үҫентеһе әҙерләнә.