БӨРӨЛӘ ҺЫУ СИФАТЫ ЯҠШЫРАСАҠ

Бөрө ҡалаһында быйыл һыу үткәргес селтәрен яңырта башлаясаҡтар. Һыуалғыста яңы скважиналар ҡуйыласаҡ, насостар һәм башҡа ҡорамалдар алмаштырыласаҡ, һыу килеү һәм ағып китеү селтәрҙәре төҙөләсәк, шулай уҡ һыу объекттарын кәртәләү һәм юлдарын төҙөкләндереү ҡарала.

Костарево ауылындағы икенсе күтәрелеш насос станцияһында, эсәр һыуҙы таҙартыу станцияһында ла ҙур күләмле эштәр планлаштырылған. Һыуҙы йомшартыу һәм зарарһыҙландырыу ҡоролмаһы ҡуйылғас, һыуҙың сифаты бик ныҡ яҡшырасаҡ. Ҡалала 45 километр тирәһе магистраль үткәргес торбаны алмаштырыу ҡарала (Бөрө ҡалаһында бөтә һыу үткәргестәр оҙонлоғо – 196 километр).
Программа «Экология» милли проекты сиктәрендә тормошҡа ашырыла.

«Башкоммунводоканал» фотоһы.