-21 °С
Болотло
75 лет Победы
Бөтә яңылыҡтар
Яңылыҡтар
15 Апрель 2021, 10:17

ИЮНЬ БЕҘГӘ АҘАШЫП КИЛЕП ИНДЕ

Тәбиғәттең йомартлығына хайран ғына ҡалырлыҡ. Ҡасан ғына ҡар өйөлөп ята ине, барыһы ла иреп, һыу булып аҡты ла ҡуйҙы. Ә бөгөн 20-25 градус йылы буласаҡ. Ә бындай температура Башҡортостан киңлектәрендә июнь өсөн генә хас. Бына һеҙгә бер мәрәкә.

Тәбиғәттең йомартлығына хайран ғына ҡалырлыҡ. Ҡасан ғына ҡар өйөлөп ята ине, барыһы ла иреп, һыу булып аҡты ла ҡуйҙы. Ә бөгөн 20-25 градус йылы буласаҡ. Ә бындай температура Башҡортостан киңлектәрендә июнь өсөн генә хас. Бына һеҙгә бер мәрәкә.

...Ай уртаһында Апрель менән Июнь осрашҡан.

– Һин бында ҡайҙан килеп индең? – тигән Апрель.

– Бер ҡайҙан да килеп кермәнем, – тигән Июнь. – Үтеп бара инем, бик матур бер ерҙе күреп ҡалдым. Ағастары япраҡ яра алмай, сөнки йылы етмәй. Ерҙәре туң, шуға һыу ташыуы көсәйгән.

– Уныһында һинең эшең булмаһын, – тигән Апрель. – Мин үҙем йылытам, үҙем иретәм, үҙем ағыҙам.

– Бәлки, минең ярҙамым кәрәгер, – тигән Июнь. – Кешеләрең өшөп йөрөйҙөр.

– Өшөмәҫ, – тигән Апрель, – сөнки өйҙәрен ҡыш көнгө һымаҡ итеп йылыталар. Тағы һин эҫертеп ебәрһәң... Бында йылы өсөн аҡса һораусылар һинән башҡа ла етерлек.

Июнь бер аҙ ҡарап торған да:

– Бөгөн йылыға түҙә алмайһың, ана, төньяҡтан һыуыҡ елдәр килә, мине эҙләп йөрөрһөгөҙ әле, – тигән.

Апрель тағы бер аҙ уйлап торған да:

– Июнь ҡәрҙәш, һин үҙеңдең йәйеңә ҡайт, ә мин үҙемдең яҙымда ҡалайым, сөнки бында халыҡ түҙемле, сыҙамлы. Уларҙан барыбер йылытҡан өсөн дә, һыуытҡан өсөн дә аҡса аласаҡтар.

Июнгә өндәшмәй генә үҙенең йәйен эҙләп китергә тура килгән. Ә Апрель:

– Оҡшаймы-оҡшамаймы, ҡыш буйы яуған ҡарҙы иретәм, ҡыштан ҡалған бысраҡты таҙартам, тик хеҙмәтемдән ҡәнәғәт ҡалығыҙ, рәхмәтегеҙҙе онотмағыҙ, ­– тигән.

Шулай итеп, апрель уртаһында июндең килеп инеүен дә күрергә яҙған икән.

Читайте нас в