ТАҒЫ БИШ АУЫЛҒА ЮҒАРЫ ТИҘЛЕКЛЕ ИНТЕРНЕТ БАРЫП ЕТТЕ

Хәйбулла районының Маҡан, Баймаҡ районының Аҡморон һәм Йомаш, Бүздәк районының Йондоҙло, Мәләүез районының Нордовка ауылдарына 4G база станциялары ҡуйылды. Уларҙың һәр береһендә 130-ҙан алып 2500-гә тиклем кеше йәшәй. Хәҙер был ауылдарҙа ла мобиль селтәрҙә заманса цифрлы сервистар, электрон коммерция, мобиль онлайн-кассалар ҡулланырға, электрон отчет алып барырға һәм башҡа онлайн-сервистар рәхәтен күрергә мөмкин.

2020 йылда Башҡортостанда LTE стандартлы 2000-дән ашыу база станцияһы ҡуйылған йә яңыртылған. 2024 йылға тиклем кәм тигәндә 250 кеше йәшәгән бөтә ауылдарҙы интернетҡа һәм кәрәҙле элемтәгә тоташтырыу маҡсаты ҡуйылған.