+22 °С
Болотло
Бөтә яңылыҡтар
Яңылыҡтар
20 Май 2021, 18:29

РЕСПУБЛИКАҒА «КОВИВАК» ВАКЦИНАҺЫНЫҢ БЕРЕНСЕ ПАРТИЯҺЫ КИЛДЕ

Бөгөн Башҡортостанға М. П. Чумаков исемендәге Федераль тикшеренеүҙәр һәм иммунобиологик препараттар эшләү ғилми үҙәге сығарған «КовиВак» вакцинаһы килде. Беренсе партия 2 340 дозанан тора. «КовиВак» – Рәсәйҙә теркәлгән өсөнсө вакцина.

Бөгөн Башҡортостанға М. П. Чумаков исемендәге Федераль тикшеренеүҙәр һәм иммунобиологик препараттар эшләү ғилми үҙәге сығарған «КовиВак» вакцинаһы килде. Беренсе партия 2 340 дозанан тора. «КовиВак» – Рәсәйҙә теркәлгән өсөнсө вакцина.

Быға тиклем эшләнгән «Гам-КОВИД-Вак» менән «ЭпиВакКорона»нан айырмалы, ул вирустың фрагменттарынан түгел, үҙенән тора. Вакцина зарарһыҙландырылған вирусты, йәғни типик вакциналар кеүек, үлтерелгән вирусты ҡулланып эшләнгән.

Теге ике вакцинанан айырмалы, «КовиВак» +2 – +8 градус температурала һаҡлана. Туңдырыу тыйыла. 14 көн аралыҡ менән ике тапҡыр ҡаҙайҙар.

Вакцина быйыл 20 февралдә рәсми теркәлгән. Бөгөнгө көнгә бөтәһе 70 000 доза етештерелгән.

Фото: БР Һаулыҡ һаҡлау министрлығы сайты.

Сығанаҡ: “Башинформ”.

Читайте нас: