+12 °С
Ясна
Бөтә яңылыҡтар
Яңылыҡтар
1 Июнь 2021, 13:49

БАЛАЛАРҘЫ ЯҠЛАУ КӨНӨ МЕНӘН!

Бөгөн, Халыҡ-ара балаларҙы яҡлау көнөндә, Өфөлә төрлө саралар үтә. Сәғәт 1-ҙә “Торатау” конгресс-холында “АРТ-Ҡоролтай. Балалар” форумы башланды.

Бөгөн, Халыҡ-ара балаларҙы яҡлау көнөндә, Өфөлә төрлө саралар үтә. Сәғәт 1-ҙә “Торатау” конгресс-холында “АРТ-Ҡоролтай. Балалар” форумы башланды.

Форумда бөтә йәштәге балалар өсөн төрлө йүнәлештәге эшлекле, белем биреү, күңел асыу саралары ҡаралған. Мәҫәлән, “Балалар киноһы” арт-мөхитендә кинопробалар, режиссура һәм анимация буйынса оҫталыҡ дәрестәре үтә. “Телесфера”ла “ТАМЫР” балалар һәм үҫмерҙәр телеканалының йәш хәбәрселәре эшләй. “Музыка һәм хореография” арт-мөхитендә балаларҙың концерты бара. Иң бәләкәстәрҙе ата-әсәләре менән бергә “Шалтырауыҡтар” арт-мөхите саҡыра.

Йәнә бейергә өйрәнеүселәр өсөн “Заманса хореография лабораторияһы” ойошторолған, “ТЕЛЕШКО”-ның йәш журналистары, блогерҙары һәм тиктоксылары алып барған “Медиабум” арт-мөхите эшләй.

Форумдың эшлекле программаһында пленар ултырыш үтә, унда республиканың социаль үҫешенә бағышланған проекттар ҡарала.

Тышта фонтан эргәһендә лә күңелле. Балалар коллективтары, мимдар, аниматорҙар, аквагримсылар һәм башҡа персонаждар сығыш яһай.

Читайте нас: