-20 °С
Болотло
75 лет Победы
Бөтә яңылыҡтар
Яңылыҡтар
1 Июнь 2021, 21:45

ХӨКҮМӘТ ФЕДЕРАЛЬ ҮҘӘКТӘН 160 МИЛЛИАРД ҺУМ КРЕДИТ ҺОРАРҒА ИТӘ

Башҡортостан Хөкүмәте инфраструктураны кредитлау өсөн Мәскәүҙән 160 миллиард һум алыуға ғариза әҙерләгән. Был хаҡта «Транспорт сәғәте»ндә вице-премьер – иҡтисади үҫеш министры Рөстәм Моратов хәбәр иткән. Был аҡсаға 173 берәмек социаль, транспорт, коммуналь объект төҙөү планлаштырыла.

Башҡортостан Хөкүмәте инфраструктураны кредитлау өсөн Мәскәүҙән 160 миллиард һум алыуға ғариза әҙерләгән. Был хаҡта «Транспорт сәғәте»ндә вице-премьер – иҡтисади үҫеш министры Рөстәм Моратов хәбәр иткән. Был аҡсаға 173 берәмек социаль, транспорт, коммуналь объект төҙөү планлаштырыла.

Өҫтөнлөклө төҙөлөштәр — Интернациональ урам сатында Ағиҙел аша күпер (8,7 млрд һум), Өфө тимер юл ҡулсаһы. Был проекттар юғары дәрәжәлә әҙерлекле, тигән вице-премьер.

Йәнә ғаризаға Өфөлә Ағиҙел аръяғында һәм Ҡариҙел аръяғында барған күләмле торлаҡ төҙөлөшө өсөн коммуналь селтәрҙәр һалыу индерелгән. Уларҙы инфраструктур облигациялар механизмы аша тормошҡа ашырыу күҙаллана.

Инфраструктур кредитлау юлы менән федераль бюджет 2023 йыл аҙағына тиклем төбәктәргә 500 млрд һум самаһы бүлергә йыйына, тигәндәр республика Хөкүмәте матбуғат хеҙмәтендә. РФ Президенты Владимир Путин Федераль йыйылышҡа Мөрәжәғәтендә кредиттарҙың 3% менән 15 йылға биреләсәге тураһында белдергәйне. Финанслана торған проекттарҙы конкурс нигеҙендә һайлап аласаҡтар.

Сығанаҡ: “Башинформ”.
Читайте нас в