19 ИЮЛЬ ЯЛ КӨНӨ БУЛА

Башҡортостан Башлығы Радий Хәбиров 19 июлде республикала ял көнө итергә булған.  Был турала ул бөгөн Хөкүмәттәге оператив кәңәшмәлә белдергән.

«20 июлдә республика Ҡорбан байрамды билдәләйәсәк, ул көн ял көнө тип иғлан ителгән. Коронавирус менән бәйле эпидемиологик хәл арҡаһында  беҙ республика халҡына дүрт көн ялда булыу мөмкинлеге бирәбеҙ. Бөтә эш биреүселәр хеҙмәткәрҙәренә был көн өсөн эш хаҡы түләргә тейеш», —  тигән  Радий Хәбиров.

Төбәк Башлығы  әйтеүенсә, һәр учреждение был көндө эшләйәсәк хеҙмәткәрҙәре һанын үҙенең эске бойороҡтары менән көйләй.

Сығанаҡ: “Башинформ”.