Был ике ҡатын бер палатала ятҡан. Өсөнсө ҡаттан килеп төшкән ҡыҙ бала бик ныҡ имгәнгән, уны ҡотҡара алмағандар.
Баланы тәҙрәнән бәргән 29 йәшлек ҡатын, bash.news хәбәр итеүенсә, Ҡырғыҙ-Миәкәнән килгән. Ул Ҡырғыҙ-Миәкәлә психоневрологик диспансерҙа ятҡан, “тирә-йүндәгеләргә хәүефһеҙ” тип сығарғандар. Декретҡа тиклем ул табип-терапевт булып эшләгән.
Ауырлы ҡатындар үҙәккә икеһе лә бер көндә килтерелгән, икеһе лә кесарь операцияһы менән тыуҙырған. Икеһен дә реанимация бүлексәһе палатаһына күсергәндәр. 16-һы киске 6-ларҙа имеҙергә килтерелгән баланы теге ҡатын тәҙрәнән ырғытҡан.
Федераль яңылыҡтар агентлығы яҙыуына ҡарағанда, Ҡырғыҙ-Миәкә ҡатынының ире бар, әле ул икенсе балаһын тапҡан, ә һәләк ителгән бәпес өсөнсө бала булып донъяға килгән булған.
Тәфтиш һәм полиция органдары тикшереү үткәрә.