-22 °С
Болотло
75 лет Победы
Бөтә яңылыҡтар
Яңылыҡтар
20 Август 2021, 20:32

ХӘЙБУЛЛАНЫҢ ИКЕ АУЫЛЫНА МОБИЛЬ ЭЛЕМТӘ КИЛДЕ

Үткән аҙнала урман янғындарына бәйле Хәйбулла районына барғанында   Башҡортостан Башлығы Радий Хәбиров райондың ете ауылында кәрәҙле элемтә мәсьәләһен тиҙ арала хәл итеү маҡсатын ҡуя. Урындағы халыҡ кеҫә телефоны менән ҡуллана алмауҙары, янғын һүндергәндә лә тиҙ генә хәбәрләшеп булмауы тураһында һөйләй.

ХӘЙБУЛЛАНЫҢ ИКЕ АУЫЛЫНА МОБИЛЬ ЭЛЕМТӘ КИЛДЕ
ХӘЙБУЛЛАНЫҢ ИКЕ АУЫЛЫНА МОБИЛЬ ЭЛЕМТӘ КИЛДЕ

Республика етәксеһе Өфөлә кәрәҙле элемтә операторҙары вәкилдәре менән осрашып һөйләшә.

МТС компанияһы бәләкәй база станциялары ҡорорға ризалаша. Ниһайәт, Аҡъюл һәм Бәләкәй Арыҫланғол ауылдарына кәрәҙле элемтә килде. Тиҙҙән Ураҙбай, Аҡназар, Һаҡмар Наҙарғол, Үрнәк һәм Оло Арыҫланғол ауылдарында ла бәләкәй база станциялары ҡуйыласаҡ һәм элемтә барлыҡҡа киләсәк.

Элемтә ҡоролмаһы 3G стандартын ҡабул итә һәм тауышлы бәйләнеш менән мобиль интернет ҡулланыу мөмкинлеген бирә.

 

Ҡарлуғас Ишемғолова фотоһы.

Сығанаҡ: Башинформ.

Автор:Ә. НОСРАТОВА.
Читайте нас в