262 АУЫЛ ИНТЕРНЕТЛЫ БУЛАСАҠ

Проект дәүләт-шәхси партнерлыҡ өлгөһөндә эшләй. «Башинформсвязь» йәмғиәтенә республика бюджетынан кабель үткәреү сығымдарының 50%-ын ҡапларлыҡ субсидия бүленә, йәғни һәр йорт иҫәбенә 6 мең һум тирәһе төшә.

«Проект күләмлелеге буйынса, шулай уҡ элемтә операторының финанслауҙа ҡатнашыу кимәле менән Рәсәй өсөн уникаль булып тора», — ти Разумикин.

Министр белдереүенсә, бөгөнгә 262 ауылдың 165-ендә халыҡты интернетҡа тоташтырыу йылдам бара, 19 ауылда төҙөлөш-монтаж эштәре тамамланған һәм тиҙҙән тоташтырыуҙар башлана. 36 ауылда селтәрҙәр һалына, ҡалған  42-һендә эштәр графиика ярашлы башланырға тора. Төп эштәрҙе, ти министр, быйыл 1 октябргә тамамлау ҡарала, IV кварталға йорттарҙы тоташтырырға ғына ҡала.  

Оператор менән договор төҙөүселәрҙең 45%-ы интернет һәм IP-телевидение хеҙмәттәрен һайлаған. 26%-ы – тик интернетты, 22% – тулы пакетты (интернет, телевидение, телефония), 7%  интернет һәи телефонияны һайлаған.

Хеҙмәттәрҙән баш тартыусылар ҙа бар. Уларҙың 47%-ы баш тартыуын – ауылда йәй көнө генә йәшәүе, 16%-ы аппаратура алырға аҡса юҡлығы менән аңлатҡан, 16% (башлыса өлкән йәштәгеләр) элемтә кәрәкмәй тигән.