-29 °С
Болотло
75 лет Победы
Бөтә яңылыҡтар
Яңылыҡтар
25 Август 2021, 12:07

ЯҢЫРТЫЛҒАН КИТАПХАНАЛАРҘА УҢАЙЛЫ

Китап уҡырға яратыусыларға бына тигән шарттар тыуҙырыла.  Благовар, Дүртөйлө, Илеш, Ҡариҙел һәм Туймазы райондарында яңы форматтағы моделле китапханалар эшләй.  Улар «Мәҙәниәт» милли проекты сиктәрендә булдырыла.

ЯҢЫРТЫЛҒАН КИТАПХАНАЛАРҘА УҢАЙЛЫ
ЯҢЫРТЫЛҒАН КИТАПХАНАЛАРҘА УҢАЙЛЫ

Китапханаларҙы яңыса үҙгәртеүгә федераль һәм республика бюджеттарынан 5,1-әр миллион һум бүленә. Был хаҡта социаль селтәрҙәрҙә Башҡортостан Башлығы Радий Хәбиров һөйләгән.   

Яңыртылған китапханаларҙа китап уҡырға ғына түгел, ә яңы гәзит-журналдар ҡараштырырға, өҫтәл уйындары уйнарға, фильмдар ҡарарға һәм кафела ял итергә лә була

Учреждениеларҙа ремонт барышында китапхана майҙандары бер нисә зонаға бүленгән: балалар, йәштәр, ғаилә, айырым эш, уҡыу зоналары һәм конференц-зал барлыҡҡа килгән. Китап фонды яңыртылған.

Китапханаларға килеүселәр Милли электрон китапхана, Борис Ельцин исемендәге Президент китапханаһы, «Литрес» һәм «Консультант» мәғлүмәт базалары менән файҙалана ала.

«Сиратта – Дыуан, Иглин, Ишембай, Ҡыйғы, Күгәрсен, Салауат, Стәрлетамаҡ, Саҡмағош һәм Учалы райондары. Уларҙа яңы китапханалар 2021 йылдың аҙағына тиклем асыласаҡ», — тигән Радий Хәбиров.

 

ЯҢЫРТЫЛҒАН КИТАПХАНАЛАРҘА УҢАЙЛЫ
ЯҢЫРТЫЛҒАН КИТАПХАНАЛАРҘА УҢАЙЛЫ
ЯҢЫРТЫЛҒАН КИТАПХАНАЛАРҘА УҢАЙЛЫ
ЯҢЫРТЫЛҒАН КИТАПХАНАЛАРҘА УҢАЙЛЫ
ЯҢЫРТЫЛҒАН КИТАПХАНАЛАРҘА УҢАЙЛЫ
Автор:Ә. НОСРАТОВА.
Читайте нас в