-26 °С
Болотло
75 лет Победы
Бөтә яңылыҡтар
Яңылыҡтар
9 Сентябрь 2021, 15:21

2024 ЙЫЛҒА ҠУРСАҠ ТЕАТРЫ БИНАҺЫ ЯҢЫРТЫЛАСАҠ

Өфөлә Башҡорт дәүләт ҡурсаҡ театры урынлашҡан бина 1976 йылда һалынған, шунан бирле бер тапҡыр ҙа капиталь ремонт күрмәгән. Ә бина туҙған, коммуникациялары ла ныҡлы иҫкергән.

2024 ЙЫЛҒА ҠУРСАҠ ТЕАТРЫ БИНАҺЫ ЯҢЫРТЫЛАСАҠ
2024 ЙЫЛҒА ҠУРСАҠ ТЕАТРЫ БИНАҺЫ ЯҢЫРТЫЛАСАҠ

2024 йылда Өфөнөң 450 йыллығы билдәләнәсәк. Ошо уңайҙан баш ҡалалағы күп объекттар яңырып ҡаласаҡ. Улар араһында Ҡурсаҡ театры бинаһы ла бар. Уны реконструкциялауға 778,5 миллион һум бүленәсәк. Шуның 250 миллионы –  федераль, 528,5 миллионы – республика бюджетынан. Федераль финанслау «Мәҙәниәт» милли проекты аша йәлеп ителә.

Театр бинаһына төкәтмә лә төҙөләсәк. Ул дүрт ҡатлы буласаҡ. Төкәтмәне һалып бөткәс, төҙөүселәр иҫке бинаны яңыртыуға тотонасаҡ. Был эштәр 2022 – 2024 йылдарҙа барасаҡ. Театр бинаһының майҙаны, ике тапҡырҙан ашыуға артып, 6,5 мең квадрат метрға етәсәк.

Сығанаҡ: Өфө ҡала хакимиәте.

Автор:Л. СӘЛИХОВА.
Читайте нас в