-20 °С
Болотло
75 лет Победы
Бөтә яңылыҡтар
Яңылыҡтар
4 Ноябрь 2021, 11:55

ХАЛЫҠТАР БЕРҘӘМЛЕГЕ КӨНӨ МЕНӘН!

Бөгөн – Халыҡтар берҙәмлеге көнө тигән Рәсәй байрамы. Рәсәйҙә дүрт быуаттан ашыу элек Кузьма Минин менән кенәз Дмитрий Пожарский әйҙәүендә бар халыҡ күтәрелгән һәм Мәскәүҙе поляк баҫҡынсыларынан азат иткән. Ниндәй синыфтан, диндән, милләттән булыуына ҡарамай, бөтәһе лә күтәрелеп сыҡҡан ул изге яуға. Шунан Романовтарҙың беренсеһе Михаил батша тәхеткә ултырған, Рәсәйҙә тыныслыҡ урынлашҡан.

ХАЛЫҠТАР БЕРҘӘМЛЕГЕ КӨНӨ МЕНӘН!
ХАЛЫҠТАР БЕРҘӘМЛЕГЕ КӨНӨ МЕНӘН!

Ҡыҙыл майҙандағы Минин менән Пожарский һәйкәле халыҡтың берләшеп, илде ҡотҡарып ҡалыуын кәүҙәләндерә. Ул һәйкәл 1818 йылда ҡуйылған.

Халыҡтар берҙәмлеге көнө менән Башҡортостан Башлығы Радий Хәбиров республика халҡын ҡотлай.

“Башҡортостан һәр ваҡыт төрлө милләт, төрлө дин кешеләре өсөн уртаҡ йорт булып ҡалһын өсөн бөтәһен дә эшләргә тейешбеҙ. Беҙҙе бурыс – быуындар бәйләнешен һаҡлау, йәштәрҙә Ватанға һөйөү тәрбиәләү, уның мәнфәғәттәрен һаҡларға әҙер булыу, бергәләшеп бәхетле киләсәк төҙөү. Республиканың бөтә халҡын байрам менән ҡотлайым! Һаулыҡ, именлек, тыныслыҡ һәм уңыштар теләйем!” – тиелгән Башҡортостан Башлығы сайтында баҫылған ҡотлауҙа.

Фото: Башинформ.

Автор:Ә. НОСРАТОВА.
Читайте нас в