+23 °С
Болотло
Бөтә яңылыҡтар
Яңылыҡтар
9 Ноябрь 2021, 16:00

ҒАФУРИ ТУРИСТАРҘЫ ЫЛЫҠТЫРА

Ғафури районының йәмле тәбиғәте ялға саҡырып тора кеүек. Был хозурлыҡта ял итергә теләүселәр йылдан-йыл күбәйә. Шуны күҙҙә тотоп, районда яңынан-яңы ял урындары асыла. Красноусол ауылында "Тубырсыҡтар" тигән экокомплекс ҡалҡып сыҡты. Ул “Йәшлек" паркы эргәһендә генә урынлашҡан.  

ҒАФУРИ ТУРИСТАРҘЫ ЫЛЫҠТЫРА
ҒАФУРИ ТУРИСТАРҘЫ ЫЛЫҠТЫРА

Был комплекста уңайлы ҡунаҡ йорттары селтәре хасил ителә. Ул “Туризм” милли проектының «Туризм һәм ҡунаҡсыллыҡ индустрияһы» федераль проекты сиктәрендә төҙөлә. 

Экокомплекстағы дүрт-һигеҙ кешелек ҡунаҡ йорттары заманса модулле  конструкцияларҙан ҡорола һәм йәй генә түгел, ҡышҡы шарттарға ла яраҡлы булып тора. Тағы 50 урынлыҡ  конференц-залы булған ике ҡатлы йорт, мини-хостел, 2 мунса, сувенир лавкаһы, гриль йорто бар. Бынан тыш, проект өсөн яуаплы Анна Ларина әйтеүенсә,  яңы туристик маршруттар һалына, сәләмәт тормош саралары ойошторола. 

Сығанаҡ: Ғафури район хакимиәте.

ҒАФУРИ ТУРИСТАРҘЫ ЫЛЫҠТЫРА
ҒАФУРИ ТУРИСТАРҘЫ ЫЛЫҠТЫРА
Автор:Л. ДӘҮЛӘТШИНА.
Читайте нас: