ЙӘЙ ҘӘ, ҠЫШ ТА КҮРКӘМ ЕР

...Шишмә ҡасабаһында төҙөлөп ятҡан парк ул. Еңеү паркын төҙөкләндереүҙе шишмәләр тауыш биреү юлы менән һайлаған. Ул “Торлаҡ һәм ҡала мөхите” милли проектының “Уңайлы ҡала мөхитен булдырыу” программаһынан бүленгән 20 миллион һумға төҙөкләндерелә.

Паркҡа ер аҫты инженер селтәрҙәре үткәрелгән,   балалар уйын майҙансыҡтары эшләнгән, сәхнә, яҡтыртҡыстар, әбрәкәй ҡуйылған,  асфальт түшәлгән. Киләһе йыл балалар өсөн автоҡаласыҡ, скейтпарк, ГТО снарядтары өҫтәләсәк.

26 мең кешеле ҡасабаның төп Яңы йыл шыршыһы ла ошо майҙанға ултыртыла, йәғни Шишмәнең иң күңелле урыны был матур парк.