+15 °С
Ямғыр
75 лет Победы
Бөтә яңылыҡтар
Яңылыҡтар
15 Сентябрь , 11:21

Үтәгәндәр ҡабаҡ ярата

Ҡырмыҫҡалы районында матур байрам уҙҙы.

Үтәгәндәр ҡабаҡ ярата
Үтәгәндәр ҡабаҡ ярата

Райондың Үтәгән ауылында ҡабаҡ фестивале ойошторолдо. Был сара тәүге тапҡыр ғына үткәрелһә лә, ҡунаҡтар күп райондарҙан һәм ҡалаларҙан килгәйне.

Үтәгәндә элек-электән эшсән, тырыш халыҡ йәшәй. Банат Батырованың яҡташтары бөгөн дә ең һыҙғанып, баҡсасылыҡ менән шөғөлләнә, йыл һайын мул уңыш үҫтерә. Хужабикәләр байрамға ентекле әҙерләнгән: ҡабаҡтан һуттар, ҡайнатмалар әҙерләгән, хатта уның киптерелгәне лә бар ине, эсен таҙартып тәмле бутҡалар бешергән. Ә иң ҙур ҡабаҡ 30 кило тартты.

Байрамды ойоштороусы Айрат Искәндәров ошо ризыҡтан аш-һыу әҙерләү буйынса үҙ тәжрибәһе менән уртаҡлашты. Фидан Ғафаров, Ринат Рамазанов концерт номерҙары менән йыйылған халыҡтың күңелен күтәрҙе.

Автор:Марат ӘМИНЕВ
Читайте нас в