Башҡортостандың байтаҡ ҡалалары һәм райондарынан саҡырылған егеттәрҙе Пенза, Ҡазан,Елань, Һарытау һәм Вольск ҡалаларындағы хәрби училищеларға һәм уҡыу үҙәктәренә оҙатҡандар. Улар бында бер ай самаһы хәрби әҙерлек үтәсәк.
Ипотека һәм кредиттар түләү буйынса закондарға әле үҙгәрештәр индерелмәгән. Рәсәй банкы түләү суммаһын кәметеү йәки туҡтатып тороуҙы тәҡдим итә. Ә бына эш хаҡын һалдаттың үҙенә алырға ла, яҡын туғанына, ғаиләнең берәй ағзаһына күсертергә лә мөмкин.