Быға тиклем 1983, 1985, 1986 йылдарҙа 5 миллион тоннанан ашыу иген йыйылғайны. Тик шул тиклем ҙур уңышты һалырға элеваторҙар, келәттәр етешмәй. Республикала эшкәртеү сәнәғәте лә үҫешмәгән. Беҙ игенде күпләп сит төбәктәргә һатабыҙ ҙа, һуңынан өс-дүрт хаҡҡа ҡыйбатыраҡҡа Ырымбур онон, Силәбе макаронын һатып алабыҙ.
Радий Хәбиров ауыл эшсәндәрен юғары һөҙөмтәгә өлгәшеүҙәре менән ҡотланы һәм киләсәктә яңы элеваторҙар төҙөү, игенде түгел, ә эшкәртелгән продукцияны һатыу буйынса эшкә тотоноу кәрәклеген әйтте.