+30 °С
Болотло
Яңылыҡтар
14 Июль 2025, 06:00
"Башҡорт Робинзоны" баҡыйлыҡҡа күскән
Белорет районының Собханғол (Урман Рәүәт) ауылында ярты быуаттан ашыу яңғыҙ йәшәгән 92 йәшлек Кинйәғол бабай Сәлимгәрәев вафат. Ғүмерендә бер тартып ҡарамаған, эске менән дуҫ булмаған. Үҙ бәхетен ошонда табып, урман менән аралашып, кейек-януар менән дуҫ булып ғүмер кисерә ул.
"Башҡорт Робинзоны" баҡыйлыҡҡа күскән
Халыҡтан ситтә йәшәүҙең тормош символына әүерелгән шәхес: 70-се йылдарҙа уның ауылдаштары эш эҙләп сығып китә, ауылды перспективаһыҙ тораҡ пункттар исемлегенә индерәләр. Ошо ваҡыттан бирле Кинйәғол бабай кейек аулап яңғыҙы йәшәй. Мейес яғып көн күрә, йәшелсә баҡсаһы үҫтерә, умарта тота. Электрһыҙ йәшәй, телевизор урынына – радио һәм батарейка менән эшләүсе фонарь.
Уның тарихы журналистар, активистар һәм битараф булмаған кешеләрҙең иғтибарын йәлеп итә, бабай тураһында фильмдар төшөрөлә, мәҡәләләр яҙыла.
Яңғыҙ йәшәүенә ҡарамаҫтан, Кинйәғол олатай ҙур донъяның бер өлөшө булып ҡала. Ул лайыҡлы, ғәжәп мөстәҡил тормош алып барған – тәбиғәт һәм үҙе менән гармонияла тотҡан кеше булып хәтерҙә һаҡланыр.
