+22 °С
Ясна
Бөтә яңылыҡтар
Шиғырҙар
18 Октябрь 2023, 09:00

Көҙ иртәһе

Үрмәксенең ауын ысыҡ үпкән,Тубырсыҡтар ҡолай тып та тып.Өҙгөс елде әйтәм, тынып ҡалған,Нисек тыйған үҙен, ҡалайтып?..

Көҙ иртәһе
Көҙ иртәһе

Шарт-шорт итеп ҡалды ҡоро үлән,
Бәшмәк саңы ҡалды борхолдап,
Томан эсендәге урман буйлап
Ике болан үтте бер юлдан.

Мүк өҫтөндә ҡалған эҙҙәренә
Өҙөлөп төштө бешкән көртмәле,
Ҡандай ҡыҙыл үҙе, иренеңә
Буяу итеп кенә һөртмәле.

Арҡа терәшешкән ҡарағайҙар
Шығырланы хатта тейеп тешкә,
Көн көрәйеп баҫты, риза булып
Үҙе ҡойған хозур күренешкә!

Гөлнара ХӘЛФЕТДИНОВА.

Фото: krasivoe-foto.ru

Автор:
Читайте нас: