-4 °С
Ҡар
Бөтә яңылыҡтар
Шулай ҙа була!
1 Июнь 2022, 12:00

Ҡатынымды көткәндә

Балалар баҡсаһында ҡыҙым сирләп киткән. Уны поликлиникаға алып барыу өсөн эштән һорап китергә тура килде, юл ыңғайында ҡатынымды ла эшенән алдым.

Ҡатынымды көткәндә
Ҡатынымды көткәндә

Ул эшләгән ерҙә машинаны ҡуйырлыҡ түгел, алма төшөрлөк тә урын ҡалмаған. “Туҡтау тыйыла” билдәһе аҫтында икенсе рәт булып “аварийкаға” баҫтым. Гаишниктар оҙаҡ көттөрмәне, ҡәнәғәт ҡиәфәттә уратып алдылар.
– Хәйерле көн, сержант Петров! Ҡағиҙә боҙабыҙмы?!
– О-о-о, мин һеҙҙе көтә инем.
– Аңламаным.
–Бына бер иҫәре сыйҙырҙы ла (бамперҙағы иҫке сыйылған эҙҙе күрһәтәм) ҡасты. 02-гә шылтыраттым, ике сәғәт көтәм инде, һаман юҡтар.
– Ә-ә-ә... юҡ, был беҙгә ҡағылмай...
– Нисек ҡағылмай? Һеҙ тикшереү төркөмө түгелме ни?
– Ю-у-уҡ, беҙ түгел. Үҙегеҙҙең экипажды көтөгөҙ.
– Һеҙ ҙә протокол төҙөй алаһығыҙ бит! Нимә, миңә бында уларҙы өс сәғәт буйына көтөргәме ни?
– Ю-у-у-ҡ, көтөгөҙ!
Шулай тинеләр ҙә патруль машинаһына ултыра һалып тиҙерәк тайыу яғын ҡаранылар.
Ул арала ҡатыным да килеп етте.

А. ДАНИЯРОВ.

Автор:"ҺӘНӘК" журналы
Читайте нас: